BAKI,VOA, Fərid Mikayılov
Rəhim Sterlinq mövsümün sonunda Feyenoorddan ayrılacaq.
VOA xəbər verir ki, klub rəhbərliyi futbolçu ilə müqavilənin uzadılması variantını istisna edib.
31 yaşlı hücumçu fevral ayında böyük gözləntilərlə Rotterdama transfer olunsa da, əsas heyətdə möhkəmlənə bilməyib. O, Erediviziya çərçivəsində cəmi 333 dəqiqə meydanda olub və sabit oyun praktikası əldə edə bilməyib.
Məlumata görə, Sterlinq məşqlərdə peşəkar yanaşma nümayiş etdirsə də, gözlənilən performansı sərgiləyə bilmədiyi üçün klub uzunmüddətli əməkdaşlıqdan imtina edib. Baş məşqçi Robin van Persi əvvəlcə müqavilənin uzadılmasının mümkünlüyünü istisna etməsə də, son qərar mənfi olub.
Futbolçunun mövsümün sonuna qədər maksimum bir neçə oyunda meydana çıxacağı və mayın ortalarında klubla vidalaşacağı bildirilir.