Böyük Britaniya və Niderland yeni dəniz tərəfdaşlığı sazişi imzalayıb. Təxminən 3,2 milyard ABŞ dolları dəyərində olan layihə çərçivəsində hər iki ölkənin silahlı qüvvələri yeni amfibiya nəqliyyat gəmiləri ilə təmin ediləcək. Böyük Britaniyanın Baş naziri Kir Starmer bildirib ki, tərəfdaşlıq sənaye və dənizçilik sahəsindəki təcrübənin birləşdirilməsinə əsaslanır. Onun sözlərinə görə, layihə elit amfibiya qüvvələrinin imkanlarını artıracaq. Sazişin NATO-nun kollektiv müdafiə potensialını gücləndirəcəyi qeyd olunub. Layihə həm də Böyük Britaniya ilə Niderland arasında müdafiə sənayesi əməkdaşlığını yeni mərhələyə çıxarmağı hədəfləyir. Bu addım NATO-nun dəniz təhlükəsizliyi sahəsində imkanlarının genişləndirilməsi istiqamətində mühüm təşəbbüs kimi qiymətləndirilir.

Niderland NATO forumunda 3 milyard avrodan çox dəyərində müdafiə layihələrini açıqlayacağını bəyan edib. Müdafiə naziri Dilan Yeşilgöz bildirib ki, söhbət yalnız vədlərdən deyil, konkret layihələrdən gedir. Niderland Belçika ilə hava hücumundan müdafiə, Böyük Britaniya ilə isə hərbi gəmi layihələri üzrə əməkdaşlığı genişləndirəcək. Almaniya ilə yeni birgə müdafiə proqramlarının hazırlanması da gündəmdədir. Bu addımlar NATO ölkələrinin müdafiə xərclərini artırmaq siyasətinin tərkib hissəsi kimi qiymətləndirilir. ABŞ Prezidenti Donald Tramp da uzun müddətdir müttəfiqləri bu istiqamətdə daha çox vəsait ayırmağa çağırır. Mövzu Ankarada keçiriləcək NATO forumu və zirvəsinin əsas gündəm məsələlərindən biri olacaq. Alyansın gələcək müdafiə strategiyası bu görüşlərdə geniş müzakirə ediləcək.

Omanın xarici işlər naziri Bədr bin Həməd əl-Busaidi Niderlandın xarici işlər naziri Tom Berendsen ilə telefon danışığı aparıb. Tərəflər Hörmüz boğazında dəniz nəqliyyatının bərpası istiqamətində görülən diplomatik işləri müzakirə ediblər. Danışıq zamanı enerji, nəqliyyat və təchizat zəncirlərində əməkdaşlığın genişləndirilməsi də gündəmdə olub. Məlumat Omanın Xarici İşlər Nazirliyi tərəfindən yayılıb. Tərəflər regional sabitliyin iqtisadi əlaqələr üçün əhəmiyyətini vurğulayıblar. Görüşdə logistika sahəsində koordinasiyanın artırılması məsələləri də müzakirə edilib. Hörmüz boğazında təhlükəsiz gəmiçiliyin təmin olunması əsas mövzulardan biri olub.

İspaniya və Niderland Venesuelada baş verən zəlzələlər nəticəsində əhaliyə yardım məqsədilə hərbi xilasedici qüvvələr göndərməyə hazırdır. İspaniyanın 54 nəfərlik komandası xüsusi təlim keçmiş axtarış itlərindən və xilasetmə üçün xüsusi avadanlıqlardan istifadə edəcək. Niderland isə komanda göndərəcək və avadanlıq üçün iki milyon avro ayıracaq. Bu addımlar qurbanların tapılması və həyatın qorunması üçün beynəlxalq humanitar dəstəyin gücləndirilməsi məqsədi daşıyır.

May ayının sonunda Avropaya iki milyon barel neft daşıyan ilk tanker Hörmüz boğazından yola çıxıb. Advantage Victory adlı Marşal adaları bayraqlı tanker əvvəlcə məqsəd yerini açıqlamayıb, lakin sonra Rotterdam limanına gedəcəyi məlum olub. Tanker fevralın sonunda Basra limanından yüklənmiş və hazırda Madagaskar sahilləri yaxınlığındadır. Bu, fevralın sonundan başlayan müharibədən sonra Avropaya yola çıxan ilk neft yükü kimi tarixə düşür. Kpler məlumatına görə, 1 martdan bəri Hörmüz boğazından 103 neft tankeri keçərək cəmi 185 milyon barel neft daşımışdır. Bu hadisə həm regional, həm də qlobal enerji bazarları üçün əhəmiyyətlidir.

İran Xarici İşlər Nazirliyinin sözçüsü İsmayıl Bəqai Niderland polisi tərəfindən hamilə Fələstinli qadına qarşı zorakılıq törədilməsini pisləyib. O bildirib ki, yayılan videoda Niderland polis əməkdaşı hamilə qadını yerə atır və onu zorla sürüyür, bu zaman onun ərinin saxlanıldığı qeyd olunub.

31 yaşlı hücumçu fevral ayında böyük gözləntilərlə Rotterdama transfer olunsa da, əsas heyətdə möhkəmlənə bilməyib. O, Erediviziya çərçivəsində cəmi 333 dəqiqə meydanda olub və sabit oyun praktikası əldə edə bilməyib. Məlumata görə, Sterlinq məşqlərdə peşəkar yanaşma nümayiş etdirsə də, gözlənilən performansı sərgiləyə bilmədiyi üçün klub uzunmüddətli əməkdaşlıqdan imtina edib. Baş məşqçi Robin van Persi əvvəlcə müqavilənin uzadılmasının mümkünlüyünü istisna etməsə də, son qərar mənfi olub.

Niderland Xarici İşlər naziri vəzifəsinə yeni təyin olunan Tom Berendsen Türkiyəyə ilk rəsmi səfərini həyata keçirəcək. Məlumata görə, Türkiyənin xarici işlər naziri Hakan Fidan ilə keçiriləcək görüşlərdə iki NATO müttəfiqi arasında çoxşaxəli əməkdaşlığın inkişafı və yüksək səviyyəli siyasi dialoqun genişləndirilməsi əsas müzakirə mövzuları olacaq.

8 mart tarixində Niderland Krallığının xarici işlər naziri Tom Berendsen Azərbaycan Respublikasının xarici işlər naziri Ceyhun Bayramova zəng vurub.

Tədbirdə Azərbaycanın Niderlanddakı səfiri Məmməd Əhmədzadə, Türkiyənin Niderlanddakı səfiri Fatma Ceren Yazğan, Türkiyə Böyük Millət Məclisinin (TBMM) millət vəkili Şamil Ayrım, Azərbaycan Diasporuna Dəstək Fondunun icraçı direktoru Əkrəm Abdullayev, Türkiyə Azərbaycan Dərnəkləri Federasiyasının (TADEF) İdarə Heyətinin sədr müavini Pərviz Məmmədzadə, Haaqa şəhər bələdiyyəsinin sədr müavini Saskia Bruines, Bart ten Broek, Benilüks Azərbaycanlıları Konqresinin sədri, Benilüks ölkələri üzrə Azərbaycanlıların Koordinasiya Şurasının Niderland üzrə koordinatoru Elsevər Məmmədov və Hollanda-Azərbaycan Türk Mədəniyyət Dərnəyinin sədri İlhan Aşkın çıxış edib.

İngiltərə millisinin sabiq hücumçusu Rahim Sterlinq doqquz aylıq fasilədən sonra ilk rəsmi oyununa çıxıb və mümkün milli komandaya dönüşlə bağlı sualı cavablandırıb. O, Erediviziya təmsilçisinin heyətində debütünü Telstar üzərində 2:1 hesablı qələbə ilə başa çatan oyunda ehtiyat oyunçular skamyasından meydana daxil olaraq edib.

UEFA Çempionlar Liqasının son 16 play-off mərhələsinin ilk oyununda Türkiyənin Qalatasaray klubu İtaliyanın Yuventus komandasını qəbul edəcək. Qalatasaray sabahkı oyuna bir neçə itki ilə çıxacaq. Qabonlu yarımmüdafiəçi Mario Lemina sarı vərəqə cəzası səbəbindən meydana çıxa bilməyəcək. Bundan əlavə, UEFA siyahısına daxil edilməyən Arda Ünyay, Renato Nhaqa və Can Armando Güner də oyunda iştirak etməyəcək.