BAKI,VOA, Fərid Mikayılov
İran Xarici İşlər Nazirliyinin sözçüsü İsmayıl Bəqai Niderland polisi tərəfindən hamilə Fələstinli qadına qarşı zorakılıq törədilməsini pisləyib.
VOA xəbər verir ki, Bəqai hadisəni “insan hüquqlarının kobud pozulması” adlandırıb və Niderland rəsmilərindən məsuliyyət tələb edib.
O bildirib ki, yayılan videoda Niderland polis əməkdaşı hamilə qadını yerə atır və onu zorla sürüyür, bu zaman onun ərinin saxlanıldığı qeyd olunub.
“Bu davranış son dərəcə qəddar və əsassızdır. Hamilə qadına qarşı zorakılıq üçün heç bir bəhanə yoxdur,” – Bəqai vurğulayıb.
Həmçinin, Bəqai Niderland rəsmilərini insan hüquqlarının pozulmasının araşdırılmasına və təqsirkarların cəzalandırılmasına çağırıb. O qeyd edib ki, belə hallar ölkə polisində sistemli ayrı-seçkiliyin və qərəzin göstəricisidir.