BAKI,VOA,Yusif Şərifzadə
May ayının sonunda iki milyon barel neft daşıyan tanker Avropaya yola çıxıb, bu, fevralın sonundan başlayan müharibədən bəri ilk belə yükdür. Məlumatları dəniz nəqliyyatını izləyən firma Kpler təqdim edib.
VOA xəbər verir ki, Advantage Victory adlı Marşal adaları bayraqlı tanker 27 may tarixində Hörmüz boğazından keçib, lakin hələki məqsəd yerini açıqlamayıb. Tanker yalnız bazar ertəsi AIS siqnalı vasitəsilə Rotterdam, Niderland limanına gedəcəyini göstərib. Tankerin 7 iyul tarixində limana çatması planlaşdırılır.
Tanker əvvəlcə 24 fevral və 1 mart tarixlərində Basra limanından İraq nefti ilə yüklənib və hazırda Madaqaskar sahilləri yaxınlığındadır. Bu, 1 mart tarixindən sonra Hörmüz boğazını keçərək Avropaya neft daşıyan ilk tankerdir. 1 martda New Vision tankerindən sonra Avropaya yola çıxan ilk yük olub. Kpler məlumatına görə, 1 martdan bu yana Hörmüz boğazından 103 neft tankerinin keçməsi ilə cəmi 185 milyon barel neft daşınıb.