BAKI,AzerVoice
UEFA Millətlər Liqası 2024-2025 mövsümünün çempionu, sabah Portuqaliya ilə İspaniya arasında keçiriləcək final oyunu ilə müəyyən olunacaq.
AzerVoice xəbər verir ki, oyun Almaniyanın Münhen şəhərindəki Allianz Arenada keçiriləcək və Bakı vaxtı ilə saat 23:00-da başlayacaq.
Yarı finalın məğlubları Almaniya və Fransa isə sabah saat 17:00-da Stuttgartdakı MHP Arenada üçüncülük oyunu keçirəcək.
Portuqaliya, Almaniyanı 2-1 məğlub edərək finala yüksəlib. İspaniya isə həyəcan dolu 9 qollu qarşılaşmada Fransanı 5-4 məğlub edərək finala yüksəlib.
İspaniya, ardıcıl olaraq üçüncü dəfə finalda mübarizə aparacaq. Portuqaliya isə 2018-2019 mövsümünün çempionu olaraq ikinci dəfə finalda yer alacaq.