ABŞ və İran arasında davam edən gərginlik fonunda diplomatik proses çətin mərhələyə daxil olub. Məlumata görə, tərəflər arasında aparılan sülh danışıqları dalana dirənib. Əsas mübahisə mövzuları İranın nüvə proqramı və Hörmüz boğazı üzərindən nəqliyyatın bərpası ilə bağlıdır.

ABŞ, İsrail və İran arasında müharibə dövründə qəbul imkanlarını artırdığına görə Azərbaycanın əməkdaşlığı alqışalayiqdir.

ABŞ Prezidenti Donald Tramp şənbə günü axşam Ağ Ev müxbirlərinin şam yeməyi zamanı, özünün də əsas kürsüdə olduğu vaxt baş verən atışma hadisəsini pisləyib. Lakin o, sadəcə pisləməklə kifayətlənməyib, bu hadisəni Ağ Ev daxilində təhlükəsizlik tədbirlərinin gücləndirilməsi, o cümlədən altında möhkəmləndirilmiş sığınacaq olan yeni mərasim zalı layihəsinə bəraət qazandırmaq üçün siyasi və təhlükəsizlik arqumentinə çevirib. Qeyd edək ki, ABŞ prezident iqamətgahının identikliyinə təsir edən bu layihə son aylarda kəskin tənqid olunur.

Ağ Ev müxbirlərinin şam yeməyi mərasimində atəş səslərinin eşidilməsindən sonra gərgin anlar yaşanıb; hadisə nəticəsində Prezident Donald Tramp, birinci xanım Melaniya Tramp, vitse-prezident Cey Di Vens və bir sıra rəsmi şəxslər təxliyə edilib. Tramp sonradan hər kəsin yaxşı olduğunu təsdiqləyib və mərasimin daha sonrakı vaxta təxirə salındığı elan edilib.

"Həmin şəxs bir neçə silahla təhlükəsizlik postuna hücum edib və çox tez hərəkətə keçən ABŞ Məxfi Xidmətinin cəsur üzvləri tərəfindən tutulub", - deyə o bildirib.

ABŞ Prezidenti Donald Tramp, nümayəndə heyətinin Pakistan səfərini son anda ləğv etməsinin regionda hərbi əməliyyatların yenidən başlayacağı mənasına gəlmədiyini bəyan edib. "Axios" xəbər portalına açıqlama verən Tramp, "Xeyr, bu, elə bir şey demək deyil. Hələ ki, müharibənin yenidən başlamasını düşünməmişik" deyərək gərginliyi müəyyən qədər səngidib.

ABŞ mediası Trampın Kuşner və Vitkoffun Pakistana səfərini ləğv etdiyini bildirib.

İranın xarici işlər naziri Abbas Əraqçi şənbə günü İslamabadda keçirilən görüşlərdə ölkəsinin tələblərini və ABŞ-ın mövqeyi ilə bağlı çətinlikləri ortaya qoyub. Pakistanın paytaxtı minlərlə insanın ölümünə və qlobal bazarlarda ciddi gərginliyə səbəb olan müharibəni dayandırmaq üçün yeni bir diplomatik mərkəzə çevrilib.

Xatırlayırıq ki, Tramp keçən il Riyadda Prezident Corc Buşu İraqa hücum etdiyinə, Səddam Hüseyn rejimini devirdiyinə və sonra İraq dövlətini yenidən qurmağa çalışdığına görə tənqid etmişdi. Paradoks ondadır ki, Tramp sonda Buşun 2003-cü ildə İraqa hücum edərkən yol verdiyi eyni səhvlərə düşdü.

İranın “Iranair” Hava Yolları Şirkəti Bakı, Doha, Nəcəf və Bağdad istiqamətlərində uçuşlar həyata keçirməyi planlaşdırır.

Almaniya Hərbi Dəniz Qüvvələrinin mümkün əməliyyat hazırlıqları çərçivəsində Aralıq dənizinə mina təmizləyən gəmi göndərəcəyi açıqlanıb. Nazirin sözlərinə görə, mina təmizləyən gəmi ilə yanaşı, komanda və təchizat gəmisi də bölgəyə göndəriləcək. Lakin gəmilərin konkret nə vaxt yola düşəcəyi açıqlanmayıb.

2025-ci ilin yanvarında ABŞ-da Donald Tramp administrasiyasının hakimiyyətə gəlməsi qlobal ticarət balanslarını dəyişdirib. Vaşinqtonun xarici ölkələrə qarşı tətbiq etdiyi yeni gömrük tariflərinə cavab olaraq, Avropa İttifaqı strateji bir addım ataraq Hindistan ilə iqtisadi və hərbi əlaqələrini ən yüksək səviyyəyə çatdırıb. Aprelin 2-də Ağ Evin elan etdiyi sərt ticarət məhdudiyyətləri Avropa Komissiyasını illərdir ləngiyən "Azad Ticarət Sazişi" danışıqlarını sürətləndirməyə sövq edib.

İsrail ordusu, atəşkəs rejiminə rəğmən Livanın cənubunda işğal etdiyi ərazilərdən kənarda yerləşən Deyr Amis qəsəbəsinə hava zərbələri endirib. İsrail ordusunun Livanda 17 aprel tarixində qüvvəyə minən atəşkəsə baxmayaraq, ölkə ərazisindəki hücumları davam edir. Livanın rəsmi agentliyi olan NNA-nın məlumatına görə, İsrail ordusu Livanın cənubundakı Sur şəhərinə bağlı Deyr Amis qəsəbəsini hava hücumu ilə hədəf alıb.

ABŞ hərbi rəhbərliyi İran limanlarına qarşı tətbiq edilən dəniz blokadasının sərtləşdirildiyini və qlobal miqyasda genişləndirildiyini açıqlayıb. ABŞ Baş Qərargah rəhbərliyi İran istiqamətində hərəkət edən və ya şübhəli hesab edilən bütün gəmilərin nəzarətdə saxlanıldığını bildirib. Qeyd olunub ki, blokada çərçivəsində istənilən gəmi, mənsubiyyətindən asılı olmayaraq yoxlanıla və saxlanıla bilər.

İran rəsmiləri ölkənin neft infrastrukturuna mümkün hücumlara qarşı sərt cavab veriləcəyini açıqlayıb. İran Prezidentinin müavini İsmayıl Sekab İsfahani bildirib ki, İranın neft obyektlərinə qarşı istənilən hücum cavabsız qalmayacaq və cavab tədbirləri çərçivəsində Səudiyyə Ərəbistanının enerji infrastrukturu hədəf alınacaq.

Macarıstanın siyasi səhnəsində baş verən son dəyişikliklər, Viktor Orbanın 16 illik fasiləsiz hakimiyyətinə son qoyan Peter Maqyarın qələbəsi ilə ölkəni yeni bir dövrün astanasına gətirib. Uşaqlıq illərində Orbanın pərəstişkarı olan, sonradan isə onun komandasında yüksək vəzifələr tutan Maqyarın bu "insayder inqilabı", Macarıstanın həm daxili idarəetmə modelini, həm də beynəlxalq münasibətlər sistemindəki yerini kökündən sarsıdır. "Tisza" partiyasının parlamentdəki üçdə iki səs çoxluğu ilə əldə etdiyi mütləq üstünlük, təkcə bir liderin gedişi deyil, həm də Avropanın mərkəzindəki "illiberal demokratiya" modelinin iflası kimi qiymətləndirilir.

ABŞ müdafiə strukturları İranla bağlı vəziyyətdə dəstək verməyən bəzi NATO ölkələrinə qarşı tədbirlər paketini nəzərdən keçirir. Məlumata görə, Pentaqon tərəfindən müzakirə edilən variantlar arasında İspaniyanın NATO çərçivəsində iştirakının müvəqqəti dayandırılması və “problemli” hesab edilən ölkələrin alyans daxilində mühüm vəzifələrə çıxışının məhdudlaşdırılması yer alır.

Marko Rubio İranın 2026-cı il futbol üzrə dünya çempionatından kənarlaşdırılacağı və onun yerinə İtaliyanın qatılacağı barədə yayılan məlumatları təkzib edib.Qeyd edək ki, daha əvvəl bəzi məlumatlarda ABŞ, Meksika və Kanadanın ev sahibliyi edəcəyi 2026 FIFA Dünya Kubokunda İranın əvəzinə İtaliya millisinin iştirakının təklif olunduğu iddia edilirdi. Lakin rəsmi Vaşinqton bu xəbərləri təsdiqləməyib

ABŞ-ın siyasi sistemində din və dövlət münasibətləri 240 illik möhkəm konstitusion təməllər üzərində qurulub ki, bu da ölkənin həm dini hegemonluqdan qorunmasını, həm də cəmiyyətdə dini azadlığın saxlanılmasını təmin edir. Nyu-York kimi qlobal bir meqapolisin müsəlman meri Zohran Momdaninin seçilməsi ilə Vaşinqtonda Donald Trampın rəhbərliyi altında yüksələn sağ-məsihçi ritorikası arasındakı təzad, Amerika demokratiyasının dinlə imtahanını yenidən gündəmə gətirir. ABŞ Konstitusiyası istənilən dinə mənsub şəxsin, o cümlədən müsəlmanların dövlət vəzifəsi tutmasına hüquqi maneə tanımır və hakimiyyətə gedən yolu "iman testi" ilə deyil, seçici etimadı ilə müəyyən edir.

Müharibə zamanı İran Hərbi Dəniz Qüvvələri son onilliklərin ən ağır zərbəsini aldı: 150-yə yaxın hərbi dəniz vasitəsi sıradan çıxdı, yüzlərlə hərbçi həlak oldu. Ölənlər arasında Hörmüz boğazının bağlanması doktrinasının memarı sayılan "İnqilab Keşikçiləri Korpusu"nun (SEPAH) Hərbi Dəniz Qüvvələrinin komandanı Əli Rza Təngsiri və dəniz kəşfiyyatının rəhbəri Behnəm Rezai də var. Bu, sadəcə avadanlıq itkisi deyil, qeyri-ənənəvi dəniz müharibəsində qərar qəbul etmə və beyin mərkəzinə endirilən bir zərbə idi.

Amerika Birləşmiş Ştatlarının Prezidenti Donald Tramp İranla davam edən gərginlik fonunda hər hansı bir təzyiq altında olmadığını və zamanın Tehran rəhbərliyinin əleyhinə işlədiyini vurğulayıb. Çatışmaları dərhal bitirmək yönündəki gözləntiləri rədd edən Tramp bu prosesdə özünü ən rahat və qətiyyətli tərəf kimi təqdim edib. O İranın hərbi baxımdan ağır zərbələr aldığını iddia edərək Tehranın dəniz və hava qüvvələrinin demək olar ki tamamilə sıradan çıxarıldığını irəli sürüb.

İran Prezidenti Məsud Pezeşkian ABŞ Prezidenti Donald Trampın bəyanatlarına cavab verərək ölkəsində sərt xətt tərəfdarları və ya mülayimlər kimi bir ayrımın olmadığını bildirib. Pezeşkian sosial media hesabından etdiyi açıqlamada Trampın İran rəhbərliyi daxilində siyasi liderlik çəkişməsi olduğu barədə iddialarını qətiyyətlə təkzib edib. Dövlət başçısı ölkədə hər kəsin iranlı və inqilabçı olduğunu vurğulayaraq milli birliyin sarsılmaz olduğunu qeyd edib.

ABŞ Prezidenti Donald Tramp "MS Now" şəbəkəsinə verdiyi bəyanatda İrandakı son vəziyyəti qiymətləndirib.Prezident Tramp bildirib ki, Amerika Birləşmiş Ştatları və İsrailin İrandakı hərbi kampaniyası rejimi tam bir xaos vəziyyətinə salıb. Onun sözlərinə görə, həyata keçirilən əməliyyatlar nəticəsində üç idarəetmə səviyyəsi və onlara yaxın olan bütün şəxslər sıradan çıxarıldığı üçün İrandakı rəhbərlik hazırda qeyri-müəyyən və dumanlı bir vəziyyətdədir.

İranın Məhkəmə Hakimiyyətinin rəhbəri Qulamhüseyn Möhsüni Ejei ABŞ Prezidenti Donald Trampın Hörmüz boğazı ilə bağlı bəyanatlarına kəskin reaksiya verib. Ejei sosial media hesabından etdiyi açıqlamada Amerika ordusunun bu stratejik su yoluna yaxınlaşmağa cəsarət edə bilməyəcəyini iddia edib. O İran ordusunun bölgədəki varlığını yüksək qiymətləndirərək dünən boğazda qayda pozuntusuna yol verən üç gəmiyə qarşı hüquqi tədbirlərin görüldüyünü bildirib.