BAKI,VOA, Nailə Babazadə
"MS Now" şəbəkəsinin NATO rəsmisinə istinadən verdiyi məlumata görə, Böyük Britaniya Hörmüz boğazının yenidən açılmasını təmin etmək məqsədilə 40-dan çox dövlətin daxil olduğu genişmiqyaslı hərbi-siyasi koalisiyaya rəhbərlik edir.
VOA xəbər verir ki,NATO rəsmisi vurğulayıb ki, qlobal enerji təhlükəsizliyi və dəniz ticarətinin bərpası üçün strateji əhəmiyyət kəsb edən bu su yolunun dərhal açılması qaçılmazdır:
"Hörmüz boğazını mümkün qədər tez bir zamanda açmaq mütləq zərurətdir."
Britaniyanın rəhbərlik etdiyi bu koalisiya, İranın boğaz üzərindəki nəzarətinə və tətbiq etdiyi blokadaya qarşı beynəlxalq birliyin ən sərt cavabı kimi qiymətləndirilir. Koalisiyanın tərkibinə daxil olan 40 ölkə həm hərbi, həm də logistik dəstək nümayiş etdirərək, boğazda sərbəst gediş-gəlişin bərpası üçün əməliyyatlara başlamağa hazırlaşır.