Close Menu
    Digər Xəbərlər

    SEPAH Netanyahunun ofisinin vurulduğunu açıqlayıb

    SEPAH Netanyahunun ofisinin vurulduğunu açıqlayıb
    Bizi buradan izləyin və Bizə yazın

    BAKI, VOA, Nailə Babazadə

    İran İslam İnqilabı Keşikçilər Korpusu (SEPAH), İsrail Baş naziri Benyamin Netanyahunun ofisinə və İsrail Hərbi Hava Qüvvələri komandanlığının mənzil-qərargahına zərbələr endirildiyi barədə məlumat yayıb.

    VOA xəbər verir ki, bu hücumlar İranın "Doğru vəd 4" əməliyyatının 10-cu mərhələsi çərçivəsində "Xeybər" raketləri ilə icra olunub.

    Mənbələr qeyd edir ki, İranın İsrail ərazisinə yönəlmiş raket hücumlarında əsas hədəflər strateji hökumət binaları olub.

    Xatırladaq ki, fevralın 26-da Cenevrədə İran və ABŞ arasında nüvə proqramına dair danışıqların üçüncü raundu keçirilmişdi. ABŞ Prezidenti Donald Tramp administrasiyası dövründə baş tutan bu görüş böhranın diplomatik həlli üçün "son şans" kimi xarakterizə olunsa da, tərəflər arasında heç bir razılıq əldə edilməyib. Tehran hakimiyyəti uranın zənginləşdirilməsini dayandırmaq, nüvə obyektlərini sökmək və proqramın inkişafına məhdudiyyət qoymaq tələblərini rədd edib.

    Diplomatik kanalların bağlanmasından sonra, fevralın 28-i səhər saatlarında İsrail və ABŞ İrana qarşı genişmiqyaslı hava əməliyyatlarına başlayıb.

    Fevralın 28-də həyata keçirilən hava hücumları İranın siyasi və hərbi elitasına ağır zərbə vurub. Məlumata görə, bombardmanlar nəticəsində İranın ali lideri Ayətullah Seyid Əli Xamenei və onun ailə üzvləri həyatını itirib.

    Eyni zamanda, ölkənin müdafiə sistemində mühüm rol oynayan yüksək rütbəli rəsmilər – İran Ordusunun Baş Qərargah rəisi general-mayor Əbdülrəhim Musəvi, SEPAH-ın baş komandanı Məhəmməd Pakpur, Ali Liderin müşaviri Əli Şəmxani və müdafiə naziri Əziz Nəsirzadə də həmin hücumlar zamanı həlak olublar.

    Oxşar Xəbərər

    © 2026 Azervoice.