BAKI,VOA,Vüsalə Əzimzadə
Husilər Yəmənin Taiz və Hudeyda əyalətlərinin qərb sahillərindəki müxtəlif ərazilərə 14-dən çox ballistik raket atıb.
Bu barədə VOA xəbər verir ki,Almaniya Xəbər Agentliyinə istinadən məlumat verir. Məlumata görə, raketlər husilərin Taiz şəhərinin şərq və şimalındakı mövqelərindən buraxılıb.
Hücumlar Əl-Moxa şəhərinin şərq və şimal hissələri, eləcə də Hudeyda əyalətinin Əl-Xoxa rayonunun ərazilərini əhatə edib.
Bununla yanaşı, Taiz əyalətinin qərbindəki Məhbənə cəbhəsində husilərlə hökumət qüvvələri arasında şiddətli toqquşmalar baş verib. Mənbələrin bildirdiyinə görə, husilər döyüşlərdən əvvəl cəbhə boyunca artilleriya atəşi açıb.
Yəmən hökumət qüvvələrinin hava hücumundan müdafiə sistemləri həmçinin Taiz şəhərinə yönəldilən pilotsuz uçuş aparatlarına qarşı müdaxilə edib.
Husilər hələlik hücumlara görə məsuliyyəti üzərinə götürməyib. Raket zərbələri nəticəsində ölən və ya yaralananların, eləcə də maddi ziyanın olub-olmadığı barədə məlumat verilməyib.