BAKI,VOA, Fərid Mikayılov
İranın baş hakimi Qulam-Hüseyn Mohseni-Ejei ABŞ-yə etibar etmədiklərini bəyan edib.
VOA xəbər verir ki, Mohseni-Ejei qeyd edib ki, İran xalqı amerikalılara qətiyyən etibar etmir və bu etimadsızlıq tarixi faktlar və keçmiş hadisələrə əsaslanır.
Onun sözlərinə görə, bu mövqe xüsusilə son illərdə baş vermiş hadisələr fonunda daha da möhkəmlənib.
İran rəsmisi həmçinin davam edən qarşıdurmalarla bağlı danışaraq, ölkəsinin "düşmənlərin rəhbər strukturlarına ciddi zərbələr endirdiyini və təcavüzkarların imkanlarını məhdudlaşdırdığını" iddia edib.
Qeyd edək ki, Mohseni-Ejei daha əvvəl ABŞ və İsrailin hücumları nəticəsində İran rəhbərliyində baş verən dəyişikliklərdən sonra yaradılmış keçid idarəetmə mexanizminin üzvlərindən biri olub.