BAKI, AzerVoice, Nailə Babazadə
Yaponiyanın Iwate əyalətində 6,8 bal gücündə zəlzələ baş verib və ölkənin şimal-şərqində kiçik miqyaslı tsunami müşahidə olunub.
AzerVoice xəbər verir ki, Kyodo News-in Yapon Meteorologiya Agentliyinə istinadən verdiyi məlumata görə, zəlzələdən sonra tsunami barədə xəbərdarlıq elan edilib və Iwate əyalətinin sahil bölgələrində təxliyə çağırışı edilib.
Kuji və Ofunato şəhərlərində 20 santimetr, Miyako və Kamaishi şəhərlərində isə 10 santimetr hündürlüyündə tsunami dalğaları qeydə alınıb.
Zəlzələ nəticəsində elektrik kəsintiləri baş verdiyindən bəzi sürətli qatar səfərləri müvəqqəti dayandırılıb. Daha sonra isə tsunami xəbərdarlığı və təxliyə əmrləri ləğv edilib.
Zəlzələ zamanı heç bir xəsarət və ya maddi ziyan qeydə alınmayıb.
ABŞ Geoloji Tədqiqatlar Mərkəzi (USGS) isə dünən Iwate əyalətinin sahillərində baş verən zəlzələnin episentri Yamada bölgəsinin 126 kilometr şərqində olduğunu açıqlayıb.