BAKI,VOA, Fərid Mikayılov
Çin ABŞ administrasiyasının son addımlarına cavab olaraq Vaşinqtona qarşı yeni məhdudiyyətlər tətbiq etdiyini açıqlayıb.
VOA xəbər verir ki, ABŞ-yə pilotsuz uçuş aparatlarının (PUA) ixracı qadağan edilib, həmçinin altı Amerika şirkətinə qarşı sanksiyalar tətbiq olunub.
Bəyanatda qeyd olunub ki, bu qərar ABŞ-nin Çin istehsalı olan dronların idxalını qadağan etməsi və 43 Çin şirkətinə sanksiya tətbiq etməsinə cavab xarakteri daşıyır.
Pekin bildirib ki, qəbul edilən tədbirlər Çin şirkətlərinin qanuni hüquq və maraqlarını qorumaq məqsədi daşıyır.
Qeyd edək ki, son aylarda ABŞ və Çin arasında ticarət və texnologiya sahəsində qarşılıqlı məhdudiyyətlər fonunda münasibətlər daha da gərginləşib.