BAKI,VOA,Yusif Şərifzadə

İsrailin Baş naziri Benyamin Netanyahu ABŞ senatoru Lindsi Qrehemin anım mərasimində iştirak etmək üçün bu həftə ABŞ-a səfər etməyə hazırlaşır.

VOA xəbər verir ki, bu barədə "The Jerusalem Post" nəşri məlumat yayıb. Məlumata görə, Netanyahu şənbə gecəsi yola düşəcək və çərşənbə axşamına qədər ABŞ-da qalacaq.

Nəşrin yazdığına görə, səfər çərçivəsində Netanyahu ilə ABŞ Prezidenti Donald Tramp arasında görüşün keçirilməsi də mümkündür. Lakin mənbələr bildiriblər ki, bu görüş hələlik rəsmi şəkildə təsdiqlənməyib və proqramda yer almayıb.

Digər tərəfdən, "The Times of Israel" nəşrinin məlumatına əsasən, Netanyahu Aparatı Avstriya Kansleri Kristian Ştokerdən gələn həftəyə planlaşdırılmış İsrail səfərini təxirə salmağı xahiş edib.

Məlumata görə, Ştokerin səfəri çərşənbə axşamı və çərşənbə günləri nəzərdə tutulmuşdu.

Bildirilir ki, Netanyahu Aparatı gün ərzində ABŞ səfərinin təfərrüatlarını ictimaiyyətə açıqlayacaq.

Donald Trampın yaxın müttəfiqlərindən hesab edilən ABŞ senatoru Lindsi Qrehem şənbə axşamı qısa sürən qəfil xəstəlikdən sonra vəfat edib.