BAKI,VOA,Yusif Şərifzadə
ABŞ Mərkəzi Komandanlığının nümayəndəsi İranın Hörmüz boğazına nəzarət etmədiyini bildirib.
VOA xəbər verir ki, bu barədə ABŞ Mərkəzi Komandanlığının nümayəndəsi açıqlamasında bildirib.
Onun sözlərinə görə, ABŞ qüvvələri beynəlxalq su yolunda vəziyyəti yaxından izləyir və gəmiçiliyin fasiləsiz davam etməsini təmin etmək üçün nəzarəti davam etdirir.
Nümayəndə qeyd edib ki, Hörmüz boğazında dəniz nəqliyyatının təhlükəsizliyi diqqət mərkəzində saxlanılır.
Açıqlama İran İnqilab Keşikçiləri Korpusunun Hörmüz boğazının bağlandığını bəyan etməsindən sonra səsləndirilib.
İran tərəfi həmin qərarı İsrailin Livanın cənubunda davam edən hərbi əməliyyatları və ABŞ-nin atəşkəslə bağlı öhdəliklərini yerinə yetirmədiyi iddiaları ilə əsaslandırmışdı.
ABŞ isə boğazda gəmi hərəkətinin davam etdiyini və beynəlxalq su yolunun fəaliyyətində dəyişiklik müşahidə olunmadığını vurğulayır.