BAKI,VOA,Yusif Şərifzadə
Almaniyanın Xarici İşlər Nazirliyi Yaxın Şərqdəki gərginlik fonunda Bəhreyn və Küveytə səfərlərə diqqət yetirməyi tövsiyə edib.
VOA xəbər verir ki, nazirlik Cümə günü yaydığı açıqlamada hazırkı regional təhlükəsizlik vəziyyətini “çox qeyri-sabit” adlandıraraq Bəhreynə səfərdən “güclü şəkildə çəkinməyi” məsləhət görüb.
Eyni zamanda İranın raket və pilotsuz uçuş aparatları ilə Bəhreyn və Küveytin hədəf alınması səbəbindən Küveytə səfərin də tövsiyə olunmadığı bildirilib.
Bəyanatda vurğulanıb ki, regionda təhlükəsizlik vəziyyətinin daha da kəskinləşməsi, hava nəqliyyatına ciddi məhdudiyyətlərin tətbiqi və silahlı münaqişənin yenidən alovlanması ehtimalı istisna edilə bilməz.