BAKI,VOA Yusif Şərifzadə
ABŞ prezidenti Donald Trampın İrana qarşı planlaşdırılan hücumu danışıqlara imkan vermək məqsədilə dayandırdığını bildirməsindən sonra neft qiymətləri 1 faizdən çox ucuzlaşıb.
VOA xəbər verir ki, Brent markalı neftin fyuçersləri xəbərin ardından bir barel üçün 110 dollardan bir qədər yuxarı səviyyəyə enib, ABŞ xam nefti isə 103 dollar səviyyəsinə düşüb.
Treydərlər Vaşinqton və Tehran arasında aparılan danışıqları yaxından izləyirlər. Onlar Hörmüz boğazının mümkün uzunmüddətli bağlanmasının qlobal bazara təsiri ilə bağlı narahatlıqlarını ifadə edirlər.
Qeyd olunur ki, Hörmüz boğazı əvvəllər gündəlik qlobal neft və mayeləşdirilmiş təbii qaz tədarükünün təxminən beşdə birini təmin edirdi.