BAKI,VOA, Fərid Mikayılov
Estonya hava sahəsinə daxil olan pilotsuz uçuş aparatı (PUA) Vortsjarv gölü üzərində NATO hərbi təyyarəsi tərəfindən vurulub.
VOA xəbər verir ki, bu barədə Estoniya Müdafiə Naziri Hanno Pevkur açıqlama verib.
Nazir bildirib ki, radarlar vasitəsilə PUA ölkənin cənub istiqamətində hərəkət edərkən aşkarlanıb, NATO-nun Baltik Hava Polisi missiyasında iştirak edən təyyarəsi tərəfindən zərərsizləşdirilib.
Poltsamaa bələdiyyə başçısı Taavi Aas hadisənin Kablaküla kəndi yaxınlığında bir tarlada baş verdiyini, heç kimin xəsarət almadığını bildirib. Pevkur əlavə edib ki, Estoniya hava sahəsində başqa PUA aşkarlanmayıb.