BAKI,VOA

Rusiya 9 May - Qələbə Günü ilə əlaqədar 8 may saat 00:00-dan mayın 10-dək Ukrayna ilə müharibədə atəşkəs elan edib.

VOA xəbər verir ki, bu barədə Rusiya Müdafiə Nazirliyi məlumat yayıb.

"Rusiya Federasiyasının Prezidenti, Rusiya Silahlı Qüvvələrinin Ali Baş Komandanı Vladimir Putinin qərarına uyğun olaraq, sovet xalqının Böyük Vətən müharibəsindəki Qələbəsinin 81-ci ildönümünün qeyd olunduğu günlərdə 8 may saat 00:00-dan mayın 10-dək Rusiya tərəfi atəşkəs elan edir", - məlumatda qeyd olunub.

Rusiya Müdafiə Nazirliyinin məlumatında deyilir ki, Ukrayna 9 mayda Moskvaya hücum edərək bayram tədbirlərini pozmağa cəhd edərsə, Rusiya Silahlı Qüvvələri Kiyevin mərkəzinə qarşı genişmiqyaslı cavab zərbəsi endirəcək.

xxx

2026.05.04
21:37

Rusiya Müdafiə Nazirliyi 8 və 9 may tarixlərində Qələbə Günü münasibətilə atəşkəs elan olunduğunu açıqlayıb.

Trend xəbər verir ki, qərar Rusiya Silahlı Qüvvələrinin Ali Baş Komandanı Vladimir Putinin tapşırığı əsasında qəbul edilib.

Nazirlik qeyd edib ki, Moskva atəşkəslə bağlı qərar fonunda Kiyevin də eyni addımı atacağına ümid edir.