BAKI, AzerVoice
Son 24 saat ərzində İsrail ordusunun Qəzza zolağına endirdiyi hücumlar nəticəsində 110 fələstinli həlak olub.
AzerVoice xəbər verir ki, bu barədə Qətərin “Əl-Cəzirə” telekanalı məlumat verib.
Məlumata görə, cənubdakı Rəfah şəhərində, Qəzza Humanitar Fondu (GHF) tərəfindən ərzaq paylaması gözlənilən məntəqənin yaxınlığında gözləyən insanlar arasında 34 nəfər ölüb. Qəzza Səhiyyə Nazirliyi bildirib ki, may ayının sonunda bu təşkilat fəaliyyətə başladıqdan bəri onun obyektlərində 800-dən çox fələstinli öldürülüb, təxminən 5 min nəfər yaralanıb.
Qeyd edək ki, mayın 18-də İsrail ordusu “Gideonun Arabaları” adlı genişmiqyaslı quru əməliyyatı çərçivəsində Qəzza zolağının şimal və cənub bölgələrində döyüşlərin başlandığını elan etmişdi. Əməliyyatın məqsədi HƏMAS-ın tamamilə məhv edilməsi və anklavda saxlanılan bütün israilli girovların azad olunmasıdır. İsrailin Baş naziri Benyamin Netanyahu bəyan edib ki, əməliyyatın sonunda ordunun Qəzza zolağının bütün ərazisinə nəzarət etməsi planlaşdırılır.