BAKI, AzerVoice
Netanyahu Trampla görüşmək istəyir.
AzerVoice xəbər verir ki, İsrailin Baş
naziri Benyamin Netanyahu ABŞ prezidenti Donald Trampla görüşmək və
bu məqsədlə Ağ Evə səfər etmək niyyətindədir.
Bu barədə Ağ Evin sözçüsü Karoline Leavitt məlumat verib.
Leavitt gündəlik mətbuat konfransında jurnalistlərin suallarını cavablandırarkən bildirib ki, Netanyahu Trampın dəvəti ilə Vaşinqtona gəlmək istəyir: “Baş nazir Netanyahu Ağ Evə gəlmək, prezident Trampla görüşmək istədiyini ifadə edib”.
Sözçü Leavitt əlavə edib ki, Tramp İsraillə bağlı məsələlərdə balanslı siyasət yürüdür: “Prezident Tramp münaqişələrə lazım gəldikdə güclə cavab verir, amma eyni zamanda qlobal sülhə də sadiqdir. Atəşkəs razılaşmasının əldə olunması onun diplomatik uğurudur”.
İranın nüvə obyektlərinə edilən hücumlara da toxunan Leavitt, ABŞ kəşfiyyatının, İran Xarici İşlər Nazirliyinin, İsrail mənbələrinin və BMT-nin məlumatlarına əsaslanaraq hücumların “tam uğurlu” olduğunu bildirib.
Qeyd edək ki, görüşün konkret tarixi hələlik açıqlanmayıb. Ağ Ev isə Trampın Netanyahunun səfərinə açıq olduğunu bildirir.