BAKI, AzerVoice
Tramp və Zelenski görüşəcək- Gündəmdə Rusiya sanksiyaları və Ukraynaya silah tədarükü var.
AzerVoice xəbər verir ki, ABŞ
prezidenti Donald Tramp və Ukrayna prezidenti Vladimir Zelenski
çərşənbə günü Haaqada keçiriləcək NATO sammiti çərçivəsində
görüşəcəklər.
Bu barədə Ukrayna Prezident Aparatındakı mənbələr məlumat
verib.
Mənbənin Fransanın AFP agentliyinə verdiyi açıqlamaya görə, tərəflər görüşün detalları üzərində iş aparırlar və danışıqların günorta saatlarında keçirilməsi planlaşdırılır.
Görüşdə əsas müzakirə mövzularının Rusiyaya qarşı yeni sanksiyaların tətbiqi və ABŞ-ın Ukraynaya hərbi yardım – xüsusilə silah tədarükünü davam etdirməsi ilə bağlı məsələlər olacağı gözlənilir.
Qeyd edək ki, bu görüş NATO sammiti fonunda Vaşinqton-Kiyev münasibətləri və Ukraynanın təhlükəsizlik ehtiyacları baxımından xüsusi əhəmiyyət daşıyır.