BAKI, AzerVoice

İlon Maskın Trampla telefon danışığı apardığı iddia edilir.

AzerVoice xəbər verir ki, ABŞ mətbuatında İlon Maskla ABŞ Prezidenti Donald Tramp arasında telefon danışığı baş tutduğu barədə məlumatlar yayılıb.

“The New York Times” qəzeti məsələ ilə tanış olan üç mənbəyə istinadən yazır ki, Mask iyunun 9-da Trampla danışaraq onunla bağlı əvvəlki bəzi paylaşımlarına görə peşman olduğunu bildirib.

Məlumata görə, Mask sosial platforma üzərindən “Tramp haqqında bəzi yazılarıma peşmanam” açıqlamasını verməzdən əvvəl bu telefon danışığını həyata keçirib.

Bundan əvvəl isə – iyunun 6-da – Maskın Ağ Evin Baş Qərargah rəisi Susi Vails və vitse-prezident Cey Di Vance ilə telefon əlaqəsi saxladığı, fikir ayrılığı fonunda münasibətləri düzəltməyə çalışdığı bildirilir.

Digər tərəfdən Tramp da son açıqlamasında Maskla aralarında ciddi bir problem olmadığını bildirib. Prezident, “Elonla əvvəlcə yaxşı münasibətimiz vardı, amma indi vəziyyət necədir, bilmirəm. Mən ona çox kömək etmişdim, lakin Maskdan məyus oldum,” – deyə bildirib.

İş adamı Mask isə Trampın X platformasında paylaşdığı bəzi fikirlərə cavab verərək, “Mən olmasaydım, Tramp seçkiləri uduzardı” deyə iddia edib və onu “büdcə kəsirini artırmaqda” ittiham edib.

Mask həmçinin Trampın adı cinsi istismar şəbəkəsi ilə əlaqələndirilən və həbsdə ölü tapılan milyarder Ceffri Epşteyn işi ilə bağlı sənədlərdə keçdiyini də iddia edib.