BAKI, AzerVoice
Rusiya Ukraynaya xoşagəlməz bir hücum həyata keçirəcək.
AzerVoice xəbər verir ki, bunu ABŞ prezidenti Donald Tramp Almaniya Kansleri Fridrix Mers ilə görüşü zamanı deyib.
"Hələlik dərhal əldə ediləcək bir sülh yoxdur. Olsaydı, dərhal istəyərdim, amma yoxdur. Rusiya xoşagəlməz bir hücum həyata keçirəcək. Mən [Rusiya Prezidenti Vladimir] Putinə dedim ki, bunu etməsin, o isə dedi ki, 'Ukraynaya hücum etməkdən başqa çıxış yolumuz yoxdur" - deyə, D.Tramp qeyd edib.
Tramp həmçinin Rusiyanın dayanmayacağı təqdirdə ona qarşı sanksiyalar tətbiq edəcəyini bildirib.
"Əgər Rusiyanın dayanmayacağını görsək, o zaman çox sərt sanksiyalar tətbiq edəcəyik. Razılaşma əldə olunmasa həm Rusiyaya, həm də Ukraynaya qarşı sərt davranarıq. Mən Hindistan-Pakistan müharibəsini dayandırdım, kaş ki, Rusiya-Ukrayna müharibəsini də eyni şəkildə dayandıra bilsəydim" - deyə, o əlavə edib.