BAKI, AzerVoice
Rusiya Xarici İşlər naziri Sergey Lavrov ABŞ prezidenti Donald Trampın administrasiyası ilə keçmiş prezident Co Bayden administrasiyası arasındakı fərqləri şərh edib.
AzerVoice xəbər verir ki, Lavrov bildirib ki, Trampın administrasiyası Ukrayna münaqişəsinin kök səbəblərini anlamağa çalışır.
Lavrovun sözlərinə görə, Bayden administrasiyası Kiyev rejimini ölümcül silahlarla təmin edib və Ukraynanı fəal şəkildə NATO-ya cəlb etməyə çalışıb.
Trampın administrasiyası isə böhranın ilkin səbəblərini araşdırmağa daha çox maraq göstərir.
Nazir qeyd edib ki, ABŞ-ın indiki rəhbərliyinin Ukrayna məsələsinə yanaşması müəyyən optimizm doğurur. Lavrov Trampın daha əvvəlki bəyanatlarına da istinad edib. Tramp bildirib ki, Bayden administrasiyası Ukraynanı zorla NATO-ya sürükləməsəydi, münaqişə başlamazdı.
Xatırladaq ki, daha əvvəl Rusiya prezidentinin köməkçisi Yuri Uşakov da ABŞ rəhbərliyinin Ukrayna münaqişəsinin əsas səbəblərini anlamağa çalışdığını vurğulayıb.