BAKI, AzerVoice
Avropa İttifaqı İordaniyaya 500 milyon avroluq makromaliyyə dəstəyi ayıracaq
AzerVoice xəbər verir ki, Avropa İttifaqı (Aİ) İordaniyanın iqtisadi sabitliyini möhkəmləndirmək və islahat səylərini dəstəkləmək məqsədilə bu ölkəyə 500 milyon avro məbləğində kredit vermək qərarını təsdiqləyib.
Avropa Birliyi Şurasının açıqlamasında qeyd olunub ki, bu maliyyə yardımı İordaniyanın xarici maliyyə ehtiyaclarını ödəməyə kömək edəcək və dəstək üç hissədə, uzunmüddətli kredit formasında təqdim ediləcək.
Qərarın qüvvəyə minməsi üçün növbəti mərhələdə Aİ-nin Rəsmi Jurnalında dərc olunması gözlənilir.
Qeyd edək ki, Aİ iqtisadi çətinliklər yaşayan qonşu ölkələrə makromaliyyə dəstəyi göstərmək üçün əlverişli şərtlərlə kapital bazarlarından borc alır və bu kreditləri daha yumşaq ödəniş qaydaları ilə təqdim edir.