Bakı, VOA
İran İsrail rejiminin Livana hücum barədə təbliğatını psixoloji müharibə hesab edir.
VOA xəbər verir ki, bu barədə İranın BMT-dəki Nümayəndəliyinin "X" hesabında qeyd olunub.
"Lakin əgər genişmiqyaslı hərbi aqressiya başlayarsa, buna məhvedici müharibə ilə cavab veriləcək.
Hazırda bütün cəbhələrdən hücum da daxil olmaqla, istənilən müqavimət variantı nəzərdən keçirilir", - deyə əlavə edilib.
Qeyd edək ki, bir qədər əvvəl ABŞ Qətərdən İsrail və Hizbullah arasında münaqişənin həllinə yardım etməsini istəyib. "The Washington Post"un yaydığı məlumata görə, Qətər İsrail-Livan sərhədində Hizbullah və İsrail arasında gərginliyin azaldılmasına kömək etmək üçün Bayden administrasiyasından müraciət alıb.
