Bakı, VOA
İsrail Qəzzada ABŞ rəsmilərinin etiraf etməyə can atdığından fərqli bir müharibə aparır.
VOA xəbər verir ki, bu barədə Corc Vaşinqton Universitetinin beynəlxalq münasibətlər və siyasi elmlər professoru Natan Braun "Əl-Cəzirə" kanalına verdiyi müsahibədə danışıb. Politoloq Braun, İsrailin Qəzzada fərqli bir müharibə apardığını qeyd edib.
"ABŞ-ın İraq və Əfqanıstanda etdiyi kimi, İsrail də Qəzzada qeyri-müəyyən və həddindən artıq iddialı məqsədlərlə müharibəyə girib."- deyə o əlavə edib.
Braun hesab edir ki, ABŞ rəsmilərinin etiraf etmək istəmədiyi şey İsrailin hərbi mərhələni bitirmək və mülki yenidənqurma planının başlanğıcı haqqında düşünməməsidir.
O həmçinin, "İsrailin Qəzzadakı qırğını xüsusən də ABŞ-ın “boş nəzarəti” ilə həll olunacaq bir şey kimi deyil, qəsdən “əbədi müharibə” kimi planlaşdırıb"- deyə əlavə edib.