BAKI,AzerVoice
Avropalı avtomobil istehsalçıları, ABŞ-ın avtomobil idxalına 25 faiz gömrük rüsumu tətbiq etməsindən narahatdırlar.
AzerVoice xəbər verir ki, Avropa
Avtomobil İstehsalçıları Assosiyasiyasının (ACEA) baş direktoru
Siqrid de Vries, ABŞ-ın tətbiq etdiyi yeni avtomobil tariflərinin
qlobal avtomobil istehsalçılarına və ABŞ-dakı istehsalına mənfi
təsir göstərəcəyini vurğulayıb.
Vries, ABŞ hökumətinin sektora tətbiq etdiyi əlavə tariflərin
avtomobil sənayesinin transformasiyasına və beynəlxalq rəqabətin
artmasına təsir edəcəyini bildirib.
O, həmçinin ABŞ-da istehsal edilən avtomobillərin 50%-60%-nin ixrac
edildiyini və bu tədbirin həm ABŞ iqtisadiyyatına, həm də Avropa
istehsalçılarına zərər verəcəyini qeyd edib. Vries, tərəflərin bu
məsələləri dialoq yolu ilə həll etməli olduğunu vurğulayıb.
Qeyd edək ki, ABŞ prezidenti Donald Tramp, yerli istehsalı artırmaq məqsədilə 2 aprel tarixindən etibarən minik və yük maşınlarına 25 faiz rüsum tətbiq edən sərəncam imzalayıb.