BAKI,VOA,Yusif Şərifzadə
Böyük Britaniyanın Dəniz Ticarəti Əməliyyatları Mərkəzi (UKMTO) Yəmən sahilləri yaxınlığında insident qeydə alındığını açıqlayıb.
VOA xəbər verir ki, hadisə Yəmənin Ədən şəhərinin şimal-şərqində, təxminən 105 dəniz mili (təxminən 194 km) məsafədə baş verib.
UKMTO-nun məlumatına görə, bir gəmi iki kiçik sürətli qayıq tərəfindən yaxın məsafədən hədəfə alınıb.
Bildirilir ki, qayıqlarda silahlı şəxslər olub.
Gəminin təhlükəsizlik komandası dərhal müdaxilə edib və cavab atəşi açıb.
Hadisə zamanı hücum edən qayıqlar gəmidən uzaqlaşıb.
UKMTO əlavə edib ki, ekipaj üzvlərinin hamısı təhlükəsizdir.
Hadisənin səbəbləri və hücum edən tərəfin kimliyi hələlik açıqlanmayıb.