BAKI,VOA

İsrailin Baş naziri Benyamin Netanyahu ölkəsinin hərbi qüdrəti həmçinin İran daxilində həyata keçirilən gizli əməliyyatlar və Livan sərhədindəki son vəziyyət barədə strateji açıqlamalar verib.

VOA xəbər verir ki, baş nazir çıxışı zamanı İsrailin hazırda hər zamankindən daha güclü mövqedə olduğunu və Amerika Birləşmiş Ştatları ilə müttəfiqlik şəraitində dünyadakı şər qüvvələrinə qarşı mübarizə apardıqlarını qeyd edib.

Netanyahu İsrailin varlığını hədəf alan qüvvələrə toxunaraq bildirib ki bizi yer üzündən silməklə hədələyən İranın rəhbərlik etdiyi şər oxu bu gün artıq hücum deyil sadəcə sağ qalmaq məqsədilə mübarizə aparır. Baş nazir nüvə silahları və ya ballistik raketlər vasitəsilə yaranan məhv edilmə təhlükəsini uzaqlaşdırmaq məqsədilə İranın daxilində iki mühüm əməliyyatın uğurla həyata keçirildiyini ilk dəfə ictimaiyyətə açıqlayıb.

Livan istiqamətindəki hərbi nailiyyətlərdən bəhs edən hökumət başçısı Hizbullah lideri Həsən Nəsrullahın məhv edildiyini və İsrailin şimal sakinlərinə qarşı yönələn təhdidləri aradan qaldırmaq üçün Livan ərazisində dərin təhlükəsizlik qurşağı yaratdıqlarını diqqətə çatdırıb. Netanyahunun bu bəyanatları İsrailin həm İranın nüvə proqramına həm də onun bölgədəki proksi qüvvələrinə qarşı əməliyyatları daha da intensivləşdirəcəyinin növbəti siqnalı kimi qiymətləndirilir. Ekspertlər bu çıxışı İsrailin regional təhlükəsizlik memarlığını yenidən formalaşdırmaq əzminin nümayişi hesab edirlər.