BAKI,VOA, Fərid Mikayılov
İsrail hökuməti İranın ölkənin cənubundakı Arad və Dimona şəhərlərinə endirdiyi zərbələrdən sonra Tel-Əvivdə yerləşən Ben Qurion hava limanında uçuşlara məhdudiyyət tətbiq edib.
VOA xəbər verir ki, İsrailin nəqliyyat naziri Miri Regev bildirib ki, təhlükəsizlik qurumlarının tövsiyəsi əsasında hava limanında uçuş fəaliyyəti məhdudlaşdırılıb.
Nazirin sözlərinə görə, hər saat üçün iki təyyarə əvəzinə yalnız bir təyyarənin eniş və qalxışına icazə veriləcək. Eyni zamanda, hər uçuş üzrə sərnişin sayı 120 nəfərdən 50 nəfərə endirilib.
Regev qeyd edib ki, təhlükəsizlik vəziyyətindən asılı olaraq bu qaydalar istənilən vaxt dəyişdirilə bilər.
O əlavə edib ki, hava limanının məhdud şəkildə fəaliyyətə başlamasından sonra İsrail aviaşirkətlərinin reysləri ilə təxminən 140 min vətəndaş ölkəyə geri qaytarılıb.