Close Menu
    Yaxın Şərq

    Səudiyyə Ərəbistanı hava bazası yaxınlığında 5 PUA-nın məhv edildiyini açıqladı

    Səudiyyə Ərəbistanı hava bazası yaxınlığında 5 PUA-nın məhv edildiyini açıqladı
    Bizi buradan izləyin və Bizə yazın

    BAKI, VOA, Nailə Babazadə

    Səudiyyə Ərəbistanı ölkədəki Prins Sultan hava bazası yaxınlığında 5 pilotsuz uçuş aparatının (PUA) məhv edildiyini bildirib.

    VOA xəbər verir ki, Səudiyyə Ərəbistanı Müdafiə Nazirliyinin sözçüsü general-mayor Turki əl-Maliki verdiyi açıqlamada, Prins Sultan hava bazası yaxınlığında "5 düşmən PUA-sının" qarşısının alındığını və məhv edildiyini qeyd edib. Maliki açıqlamasında başqa təfərrüatlara yer verməyib.

    Digər tərəfdən, Səudiyyə Ərəbistanı Energetika Nazirliyinin rəsmisi yerli vaxtla saat 07:04-də Dəmmam şəhərindəki Ras Tanura neft emalı zavodu ətrafında zərərsizləşdirilən iki PUA-nın qalıqları səbəbindən müəssisəyə məhdud ziyan dəydiyini açıqlayıb.

    Açıqlamada bildirilib ki, qəlpələrin səbəb olduğu kiçikmiqyaslı yanğına fövqəladə hallar qrupları tərəfindən dərhal müdaxilə edilib və yanğın nəzarətə götürülüb. Hadisə zamanı hər hansı can itkisi və ya yaralanma baş verməyib.

    Rəsmi şəxs həmçinin vurğulayıb ki, ehtiyat tədbiri olaraq zavodun bəzi istehsal bölmələrinin fəaliyyəti müvəqqəti dayandırılıb, lakin yerli bazarlara neft və neft məhsulları tədarükündə heç bir fasilə yaranmayıb.

    Müdafiə Nazirliyinin sözçüsü Maliki, bu gün Dəmmam şəhərindəki Ras Tanura neft emalı zavodunu hədəf almağa çalışan 2 PUA-nın qarşısının alındığını və hücumun dəf edildiyini daha əvvəl bəyan etmişdi. Maliki müdaxilə əməliyyatı nəticəsində mülki şəxslər arasında xəsarət alan olmadığını, lakin düşən qəlpələr səbəbindən zavod daxilində qısa müddətdə söndürülən kiçik yanğın baş verdiyini ifadə etmişdi.

    Oxşar Xəbərər

    © 2026 Azervoice.