BAKI,AzerVoice

İsrail müdafiə naziri Yisrael Kats, cümə günü açıqlamasında ordunun Qəzza şəhərində çoxmərtəbəli bir binanın boşaldılması üçün ilk xəbərdarlığı etdiyini və daha sonra hədəfi vurduğunu bildirib. O, “Qəzzada cəhənnəm qapıları açılıb” ifadəsini işlədərək, “HƏMAS İsrailin şərtlərini qəbul edənədək zərbələrin intensivləşəcəyini” vurğulayıb.

Eyni gün İsrail ordusu və təhlükəsizlik xidməti “Şabak”ın birgə əməliyyatı nəticəsində HƏMAS-ın hərbi qanadı “İzzəddin əl-Qəssam briqadaları”nın maliyyə bölməsinin məsulu Nurəddin Dabbəşin öldürüldüyü elan olunub. Ordu sözçüsü bildirib ki, Dabbəş müharibə dövründə on milyonlarla dollar toplayaraq Qəzzada hərbi qanada ötürüb və bu vəsaitlər döyüş qabiliyyətinin artırılmasına yönəlib.

כעת מוסט הבריח משערי הגיהינום בעזה.הודעת פינוי ראשונה נמסרת לבניין טרור רב קומות בעיר עזה בטרם תקיפה.כשהדלת תיפתח היא לא תיסגר ופעילות צה«ל תלך ותגבר - עד שמרצחי ואנסי החמאס יקבלו את תנאי ישראל לסיום המלחמה ובראשם שחרור כל החטופים והתפרקות מנשק - או שיושמדו.

— ישראל כ”ץ Israel Katz (@Israel_katz) September 5, 2025

İsrail ordusunun məlumatına görə, hazırda Qəzza şəhərinin 40 faizinə əməliyyat nəzarəti təmin olunub. Ordunun bəyanatında qeyd olunur ki, HƏMAS-ın şəhərdə İsrail qüvvələrinə qarşı tam gücü ilə müqavimət göstərməsi gözlənilir və “qəti məğlubiyyətə qədər döyüş” davam edəcək.

Cümə günü ordu, Qəzzada HƏMAS tərəfindən istifadə edildiyi iddia edilən hündürmərtəbəli bir binanı vurduğunu açıqlayıb. Bəyanata görə, bina hərəkatın hərbi infrastrukturunun yerləşdiyi və İsrail qüvvələrinə qarşı hücumların planlaşdırıldığı məkan olub. İsrail ordusu yaxın günlərdə şəhərdə HƏMAS-ın istifadə etdiyi digər binalara qarşı da zərbələrin planlaşdırıldığını, bunun genişmiqyaslı hücumun başlanğıcı olduğunu bildirib.