BAKI, AzerVoice, Nailə Babazadə

İsrailin 7 oktyabr 2023-cü ildən bəri Qəzza zolağına davam etdirdiyi hücumlarda həyatını itirənlərin sayı son 24 saat ərzində 47 nəfər artaraq 61 min 944-ə yüksəlib.

AzerVoice xəbər verir ki, Qəzzadakı Fələstin Səhiyyə Nazirliyinin verdiyi açıqlamaya görə, son 24 saatda bölgədəki xəstəxanalara 47 şəhidin və 226 yaralının gətirildiyi bildirilib.

İsrail ordusunun 19 yanvarda əldə edilən atəşkəsi pozaraq 18 martdan etibarən yenidən başladığı hücumlarda indiyə qədər 10 min 400 Fələstinli həyatını itirib, 43 min 845 nəfər isə yaralanıb.

Son 24 saatda Qəzzada humanitar yardım üçün gözləyən mülki şəxslərə edilən hücumlarda 14 nəfər öldürülüb, 132 nəfər yaralanıb. Bu hücumların, 27 maydan bu yana ABŞ və İsrailin nəzarətində fəaliyyət göstərən “Qəzza Humanitar Yardım Fondu” tərəfindən qurulan yardım bölgələrində Fələstinlilərə qarşı sistemli şəkildə həyata keçirildiyi bildirilib.

Bu çərçivədə, yardım nöqtələrində öldürülənlərin ümumi sayı 1898-ə, yaralananların sayı isə 14 min 113-ə çatıb.

İsrailin 7 oktyabr 2023-dən bəri Qəzza zolağına qarşı həyata keçirdiyi hücumlar nəticəsində ümumi ölənlərin sayı 61 min 944, yaralıların sayı isə 155 min 886 nəfərə yüksəlib.

Qəzzada hələ də minlərlə cəsədin dağıntılar altında qaldığı qeyd olunur.

Bundan əlavə, İsrailin sərhəd qapılarını bağlayaraq və yardım girişini məhdudlaşdıraraq Qəzzanı aclığa məruz qoyduğu vurğulanıb. Son 24 saatda 2-si uşaq olmaqla 5 Fələstinli aclıqdan həyatını itirib. Beləliklə, 7 oktyabrdan bu yana aclıq səbəbilə ölənlərin sayı 110-u uşaq olmaqla 258-ə çatıb.