BAKI, AzerVoice, Zeynəb Raminqızı
İsrailin Qəzzada ev və çadırlara hücumu nəticəsində 12 fələstinli ölüb, çoxlu sayda yaralı var.
AzerVoice xəbər verir ki, xəstəxana mənbələrinin verdiyi məlumata görə, Qəzza zolağının cənubundakı Xan Yunis bölgəsində, İsrail pilotsuz təyyarəsinin köçkünlərin məskunlaşdığı çadırı hədəf alması nəticəsində 4 fələstinlinin həlak olduğunu, 4 nəfərin isə yaralandığını bildirib.
Xan Yunisin qərbində, Təbəriyyə stansiyası yaxınlığında başqa bir çadırı hədəf alan hücumda bir qadın ölüb, çoxlu sayda insan yaralanıb.
İsrail əsgərləri Xan Yunisin cənub bölgələrində yardım gözləyən kütləyə də atəş açıb. Hücum nəticəsində 3 fələstinli ölüb, 73 nəfər yaralanıb.
Qəzza zolağının mərkəzindəki Deyr əl-Bələh şəhərində İsrail pilotsuz təyyarəsinin mülki avtomobili hədəfə alması nəticəsində 4 fələstinli ölüb, çoxlu sayda fələstinli yaralanıb.