Bakı. AzerVoice:
İsrail ordusu Qəzzadakı Nusayrat Qaçqınlar Düşərgəsini bombalayıb.
AzerVoice xəbər verir ki, bu barədə Fələstin Qızıl Aypara Cəmiyyəti açıqlama verib.
Açıqlamada, Nusayrat düşərgəsində bombalanan evdən tibbi qrupların bir nəfərin cəsədini çıxardığını, beş yaralının isə xəstəxanalara aparıldığı bildirilib.
Məlumat üçün bildirək ki, hücum zamanı dağıntılar altında çoxlu sayda insan qalıb. Bölgədə dağıntılar altında olan yaralıların axtarışları davam etdirilir.
Qeyd edək ki, Qəzzanın Səhiyyə Nazirliyi bildirir ki, Qəzzada 34 mindən çox fələstinli öldürülüb və 2,3 milyon əhalisinin əksəriyyəti evlərini tərk etmək məcburiyyətində qalıb.
Nazirlik öz sayında mülki şəxslər və döyüşçülər arasında fərq qoymur, lakin qadınların və uşaqların ölənlərin üçdə ikisini təşkil etdiyini bildirir.
İsrail dinc sakinlərin ölməsində HƏMAS-ı günahlandırır, çünki yaraqlılar sıx yaşayış məntəqələrində döyüşürlər.
İsrail heç bir sübüt təqdim etmədən 13 min HƏMAS döyüşçüsü öldürdüyünü bildirib.
Bu arada Qəzzada döyüşlər davam edir. İsrailin Qəzzanın cənubunda BMT-nin fələstinli qaçqınlarla işləyən agentliyi olan UNRWA-nın qida paylama məntəqəsinə endirdiyi zərbə nəticəsində agentliyin bir əməkdaşı həlak olub, 22 nəfər yaralanıb.
UNRWA-nın məlumatına görə, son beş ayda gedən döyüşlər zamanı agentliyin həlak olan işçilərinin sayı 165-ə çatdırıb.
Qəzzanın səhiyyə orqanları UNRWA anbarının həyətinə endirilən zərbə nəticəsində ümumilikdə 5 nəfərin öldüyünü bildirib.
Hafiz Rufizoğlu