BAKI,VOA, Fərid Mikayılov

İran xarici işlər nazirinin müavini Kazım Qəribabadi ABŞ-nin xarici siyasətini və sanksiya təhdidlərini kəskin tənqid edərək, Vaşinqtonun məğlubiyyət fonunda müttəfiqlərindən kömək diləndiyini bildirib.

VOA xəbər verir ki, ABŞ Prezidenti Donald Trampın İrana kömək edən və ya onunla ticarət əlaqələri quran hər bir ölkəyə qarşı "iqtisadi D-Day" (həlledici hücum günü) tətbiq olunacağı ilə bağlı təhdidlərindən sonra Qəribabadi "X" sosial şəbəkəsində paylaşım edib.

İranlı diplomat paylaşımında ABŞ-nin ziddiyyətli addımlar atdığını vurğulayıb:

"Onlar İranın məğlubiyyət həddində olduğunu, bir sapdan asılı qaldığını iddia edirlər, lakin eyni zamanda bütün müttəfiqlərinə onlara kömək etmələri üçün yalvarırlar!"

Qəribabadi həmçinin ABŞ dövlət borcunun ilk dəfə 40 trilyon dolları keçməsini göstərən göstəricilərə istinad edərək Vaşinqtonun uğursuzluq yaşadığını qeyd edib. O, sözlərinə əlavə edib: "Hərbi müharibə heç bir nəticə vermədi, indi isə növbəti uğursuzluqlarının adını 'iqtisadi müharibə' qoyublar".