BAKI,VOA. Fərid Mikayılov
İran ABŞ ilə hər hansı danışıqlar aparmadığını bəyan edib.
VOA xəbər verir ki, bu barədə İran Xarici İşlər Nazirliyinin sözçüsü İsmayıl Bəqai açıqlama verib.
"Hazırda ABŞ ilə heç bir danışıqlar aparmırıq", – deyə o bildirib.
Bəqainin sözlərinə görə, Tehran hazırda yalnız Omanla təmaslarını davam etdirir. Bu təmaslar Hörmüz boğazında təhlükəsiz gəmiçiliyi təmin edəcək marşrutla bağlı razılaşmanın əldə olunmasına yönəlib.
Açıqlama ABŞ Prezidenti Donald Trampın Vaşinqton və Tehran arasında avqustun 3-də danışıqların başlanacağını bildirməsindən sonra verilib.
Tramp, həmçinin İrana qarşı planlaşdırılan genişmiqyaslı hərbi zərbənin ləğv edildiyini açıqlamışdı.