BAKI,VOA,Yusif Şərifzadə

ABŞ ilə İran arasında artan hərbi gərginlik və enerji daşımalarının təhlükə altına düşməsi ilə bağlı narahatlıqlar dünya bazarında neftin qiymətini bir faizdən çox artırıb.

VOA xəbər verir ki, London markalı neftin noyabr müqavilələri Qrinviç vaxtı ilə saat 13:20-yə olan məlumata əsasən 93 sent və ya 1,09 faiz bahalaşaraq bir barel üçün 85,88 dollara yüksəlib.

ABŞ-ın Qərbi Texas markalı nefti isə 89 sent və ya 1,12 faiz artaraq bir barel üçün 80,49 dollar olub.

Maliyyə bazarları üzrə strateq Vail Məkərəm bildirib ki, Hörmüz boğazı və Babül-Məndəb boğazında eyni vaxtda nəqliyyatın pozulması qlobal təchizat zəncirinə ciddi təzyiq göstərə bilər.

Onun sözlərinə görə, belə bir vəziyyət neft tankerlərinin çatışmazlığını daha da artıracaq, eyni zamanda yükdaşımaların sığorta xərclərinin yüksəlməsinə səbəb olacaq.

İran ABŞ-ın ölkənin enerji infrastrukturuna zərbə endirəcəyi təqdirdə Yəməndəki husi hərəkatından Qırmızı dənizdə neft daşımalarının qarşısını almağa hazır olmağı istəyib.

İran və husi hərəkatı bu iddialarla bağlı hələlik rəsmi açıqlama verməyib.

Məlumat müstəqil mənbələr tərəfindən tam təsdiqlənməyib.