BAKI,VOA

ABŞ Prezidenti Donald Tramp "Fox News" şəbəkəsinə müsahibəsində rəsmi Tehranın nüvə ambisiyalarına qarşı ən sərt xəbərdarlıqlarını ünvanlayıb. Prezident bildirib ki, İranın nüvə silahına sahib olmasına icazə verilməyəcək, çünki onun fikrincə, İran rəhbərliyi bu silahı İsrailə, Yaxın Şərqə və Avropaya qarşı istifadə edəcək qədər "divanədir". VOA xəbər verir ki, Tramp həmçinin əlavə edib ki, əgər İran nüvə bombasına sahib olsa, ondan ABŞ-a qarşı da istifadə edəcək.

Prezidentin sözlərinə görə, məhz ABŞ-ın hərbi əməliyyatları, o cümədən İranın nüvə obyektlərinin hədəf alınması Tehranın nüvə silahı inkişaf etdirməsinin qarşısını alıb. O, hazırda İranın nüvə poliqonlarının 9 kamera vasitəsilə 24 saat fasiləsiz nəzarət altında olduğunu vurğulayıb

"İranın nüvə obyektləri daxilində hər hansı bir hərəkət cəhdi birbaşa hərbi cavabla qarşılanacaq. Bu materialları ələ keçirməyin alternativi həmin obyektləri yenidən bombalamaq və onları tamamilə məhv etməkdir."-deyə o bildirib.

Tramp İranla aparılan danışıqlarda "nüvə tozundan" imtina məsələsində Tehranın qərarlarındakı ziddiyyətlər səbəbindən müəyyən çətinliklərin olduğunu qeyd edib. O iddia edib ki, İran liderləri basdırılmış nüvə tozunun çıxarılması üçün lazımi texnologiyanın yalnız ABŞ və Çində olduğunu etiraf ediblər. Prezident bu məsələdə tərəflər arasında gərgin "al-ver" prosesinin getdiyinə işarə edib.