BAKI,VOA, Fərid Mikayılov
İran mediası ABŞ-a məxsus hərbi gəminin Cask adası yaxınlığında vurulduğunu iddia edib. Məlumata görə, gəmi edilən xəbərdarlıqlara məhəl qoymadığı üçün iki raketlə hədəfə alınıb.
VOA xəbər verir ki, İranın Fars xəbər agentliyi məlumatına əsasən, zərbə nəticəsində zədələnən gəmi bölgəni tərk edib.
Buna baxmayaraq, ABŞ tərəfi bu məlumatları təkzib edib. ABŞ rəsmisi Axios nəşrinə açıqlamasında hərbi gəminin vurulmadığını bildirib.
Qeyd edək ki, İran Silahlı Qüvvələri daha əvvəl ABŞ donanmasını Hörmüz boğazı ərazisinə yaxınlaşmamaqla bağlı xəbərdar etmişdi. Eyni zamanda, digər kommersiya gəmilərinə və neft tankerlərinə də İran ordusu ilə koordinasiya olmadan hərəkət etməmək tövsiyə olunmuşdu.