BAKI,VOA, Fərid Mikayılov
İran rəhbərliyi regiondakı gərginlik fonunda növbəti sərt mesajını verib.
VOA xəbər verir ki, İran Prezidenti Məsud Pezeşkian ölkəsinin dialoqa hazır olduğunu, lakin təzyiq və təslimiyyətə məcbur etmə cəhdlərinin nəticəsiz qalacağını bəyan edib.
Məlumata əsasən, o, bu fikirləri Tehranda təcili xidmətlər mərkəzinə səfəri zamanı səsləndirib və beynəlxalq münasibətlərdə ikili standartları tənqid edib.
Qeyd olunub ki, Pezeşkian ABŞ və İsrailin İrana qarşı hərbi əməliyyatlarını beynəlxalq hüquqa zidd adlandırıb və mülki əhalinin hədəfə alınmasını pisləyib.
Bildirilib ki, İran Prezidenti ölkəsinin müharibə tərəfdarı olmadığını, əksinə dialoq və konstruktiv əməkdaşlığı dəstəklədiyini vurğulayıb.
Pezeşkian əlavə edib ki, İran xalqı heç vaxt təzyiq altında qərar qəbul etməyəcək və ölkəni təslim olmağa məcbur etmək cəhdləri uğursuzluğa məhkumdur.