BAKI, AzerVoice

Husilərlə həlledici döyüş yaxınlaşır.

AzerVoice xəbər verir ki, bu haqda Yəmən Birgə Hərbi Əməliyyatlar Komandanının müşaviri polkovnik Məhəmməd Cabir bildirib.

“Husilərin əsas məqsədi İrana xidmət etmək və onun nüvə proqramına dəstək verməkdir. Onlar İranın danışıqlardakı mövqeyini gücləndirmək üçün təlimatlarını yerinə yetirirlər. Qırmızı dənizdə beynəlxalq gəmiçiliyə edilən hücumlar və İsrailə qarşı (guya) həyata keçirilən zərbələr Qəzzaya heç bir fayda vermədi. Əksinə, Qəzza tamamilə məhv oldu” - deyə, o qeyd edib.

Cabir, həmçinin Hhusilərin Qəzzanı qorumaq barədə iddialarını da yalanlayıb.

"Husilərin Qəzzanı müdafiə etdiyini iddia etməsi yalan və bəhanədir və bu bəhanə ilə Yəməni viran qoyub, onun suverenliyini pozurlar” - deyə, Cabir bildirib.

Yəmən rəsmiləri Husi terror qruplaşmasının nəzarətində olan bölgələrdəki Yəmən qəbilələrinə çağırış edərək, övladlarını bu qruplaşmanın düşərgələrindən dərhal geri çəkməyə və silahlı dəstələrin yerləşdiyi ərazilərdən uzaq durmağın vacibliyini vurğulayıblar.

Bununla yanaşı, Cabir Yəmən qəbilələrini husilərin yalan və saxta şüarlarının arxasınca getməməyə çağırıb.

Cabir bildirib ki, ABŞ-ın husilərin mövqelərini və silah anbarlarını atəşə tutması bu dəstəsinin düşüncəsizliyinin və məsuliyyətsizliyinin qaçılmaz nəticəsidir.

"Husilər nə Yəmən xalqını, nə də dövlətin imkanlarını düşünür” - deyə, o vurğulayıb.