BAKI,VOA, Fərid Mikayılov
Türkiyə Respublikasının Prezidenti və AK Partiya sədri Rəcəb Tayyib Ərdoğan Sapancada keçirilən "AK Partiya 33-cü Məsləhətləşmə və Qiymətləndirmə Toplantısı"nda iştirak edib.
VOA xəbər verir ki, dövlət başçısı tədbirdəki çıxışı zamanı ölkənin əsas müxalifət qüvvəsi olan Cümhuriyyət Xalq Partiyası (CHP) daxilində yaşanan son gərginliklərə və ixtilaflara toxunaraq sərt bəyanatlarla çıxış edib.
Ərdoğan müxalifət düşərgəsindəki qütbləşməni "daxili müharibə" adlandıraraq rəsmi Ankaranın bu proseslərdə hər hansı bir rolunun olmadığını vurğulayıb:
"Biz CHP daxilindəki bu davanın, bu daxili müharibənin tərəfi deyilik. Bir-birlərinə tələ qurdular, quyu qazdılar və nəticədə bir 'Frankenşteyn' yaratdılar, indi də onun əziyyətini çəkirlər"- deyə o bildirib.