BAKI,VOA, Fərid Mikayılov
Türkiyə Prezidenti Rəcəb Tayyib Ərdoğan EFES-2026 təlimlərində çıxış edərək Türk Ordusunun “istiqlal, sülh və sabitliyin ordusu” olduğunu vurğulayıb.
VOA xəbər verir ki, Ərdoğan qeyd edib ki, Türk Ordusu yalnız ölkəsinin və xalqının təhlükəsizliyinin təminatçısı deyil, həm də regional sülhün əsas dayağıdır.
O, ordunun tarixi boyunca heç bir yeri məhv etmədiyini, əksinə, dağıdılmış əraziləri bərpa etdiyini bildirib.
Ərdoğan İstiqlal Marşı misrasına istinad edərək, ordunun “istiqlalın ordusu” olduğunu və ordunun içində olduğu coğrafiyanın yaddaş və ideallarını da qoruduğunu vurğulayıb.
Ərdoğan, EFES-2026 təlimlərinin dünyaya verdiyi mesajların bu prinsiplər çərçivəsində başa düşülməsinin vacibliyini qeyd edib.