BAKI,VOA, Fərid Mikayılov
Türkiyənin xarici işlər naziri Hakan Fidan Qətərə rəsmi səfər edib.
VOA xəbər verir ki, səfər çərçivəsində Doha şəhərində Türkiyə-Qətər strateji əməkdaşlığı, regional təhlükəsizlik və Körfəz bölgəsindəki son vəziyyət müzakirə olunur.
Məlumata görə, Hakan Fidan ilk olaraq Qətər əmiri Təmim bin Həməd Al Tani tərəfindən qəbul edilib. Görüşdə Türkiyədə keçirilməsi planlaşdırılan Yüksək Strateji Komitə toplantısının hazırlıqları da nəzərdən keçirilib.
Bildirilib ki, tərəflər Hörmüz boğazında gəmiçilik azadlığının bərpası, regional təhlükəsizlik, müdafiə əməkdaşlığı və Körfəzdə sabitliyin təmin olunması məsələlərini də müzakirə ediblər.
Qeyd olunub ki, görüşlərdə Qəzza, Livan və İsrail-Fələstin məsələləri də əsas gündəm mövzularından biri olub. Türkiyə və Qətər bölgədə sabitliyin qorunması və humanitar vəziyyətin diqqətdə saxlanmasının vacibliyini vurğulayıblar.