BAKI,VOA, Fərid Mikayılov
Türkiyə Xarici İşlər Nazirliyi İsrailin ifrat sağçı nazirinin işğal altındakı Şərqi Qüdsdə yerləşən Əl-Əqsa məscidinə təşkil etdiyi basqını ən kəskin şəkildə pisləyib.
VOA xəbər verir ki, rəsmi Ankara müqəddəs məkanın tarixi və hüquqi statusuna yönələn bu addımı "qəbulolunmaz provokasiya" adlandırıb.
Nazirliyin yaydığı yazılı bəyanatda Netanyahu hökumətinin addımlarının yalnız müsəlmanlara aid olan müqəddəs məkanın toxunulmazlığını hədəf aldığı vurğulanıb.
"Əl-Əqsa məscidi müsəlmanların ibadətinə açılmasını təmin etmək və Şərqi Qüdsdəki müqəddəs yerlərdə ibadət azadlığına mane olan bütün məhdudiyyətlərin qaldırılması beynəlxalq birliyin ortaq məsuliyyətidir"- deyə bəyənatda bildirilib.
Qüds İslami Vəqflər İdarəsinin məlumatına görə, İsrailin milli təhlükəsizlik naziri İtamar Ben-Qvirin bu basqını müsəlmanların məscidə girişinin qadağan edildiyi 38-ci günə təsadüf edib. 28 fevraldan etibarən tətbiq edilən qadağalar nəticəsində məscidə yalnız vəqf əməkdaşları daxil ola bilir, yerli sakinlər isə namazlarını şəhərin kiçik məscidlərində qılmaq məcburiyyətində qalıblar.
Regionda gərginliyin artması ilə əlaqədar İsrail rəhbərliyi yalnız İslam dünyası üçün deyil, xristianlıq üçün də müqəddəs sayılan yerlərə qarşı məhdudiyyətləri sərtləşdirib:
Qiyamət kilsəsi: Xristian dünyasının ən önəmli ibadətgahlarından biri olan bu kilsə də girişə bağlanıb.