BAKI,VOA, Fərid Mikayılov
Hörmüz boğazında gərginlik fonunda türk bayraqlı gəmilərin hərəkəti ilə bağlı yeni məlumat açıqlanıb.
VOA xəbər verir ki, Türkiyənin nəqliyyat və infrastruktur naziri Abdulkadir Uraloğlunun açıqlamasına əsasən, “Ocean Thunder” adlı türk mülkiyyətli gəmi ötən gecə Hörmüz boğazını təhlükəsiz keçərək Körfəzdən çıxışını tamamlayıb.
Məlumata görə, bu keçidlə birlikdə münaqişənin başlanmasından bəri bölgədə gözləyən 3 gəmi boğazdan təhlükəsiz şəkildə ayrılıb.
Nazir bildirib ki, hazırda Hörmüz boğazı ətrafında qalan türk mülkiyyətli gəmilərin sayı 12-yə enib, bölgədən çıxmaq üçün müraciət edən gəmilərin sayı isə 8-dir.
Qeyd olunub ki, həmin 8 gəmidə ümumilikdə 156 nəfər heyət üzvü var və onların təhlükəsiz şəkildə bölgədən çıxarılması üçün aidiyyəti qurumlarla birgə işlər davam etdirilir.