BAKI, AzerVoice, Nailə Babazadə

Türkiyənin müdafiə və aviasiya sənayesinin 2025-ci ilin ilk 10 ayında ümumi ixrac həcmi 6,7 milyard ABŞ dolları olub.

AzerVoice xəbər verir ki,bu barədə Türkiyə Prezidentliyinin Müdafiə Sənayesi İdarəsinin (SSB) rəhbəri professor Haluk Görgün sosial media hesabında məlumat paylaşıb.

Görgün bildirib ki, təkcə oktyabr ayında sektorun ixracı 708 milyon dollara çatıb. O, qeyd edib ki, ilin ilk 10 ayında xidmət ixracı istisna olmaqla ümumi ixrac ötən ilin eyni dövrü ilə müqayisədə 31 faiz artaraq 6,7 milyard dollara yüksəlib.

“Bu artımla birlikdə müdafiə və aviasiya sənayemizin Türkiyənin ümumi ixracındakı payı 3,5 faizə çatıb. Sektorun davamlı ixrac uğuru dünyanın müxtəlif bölgələrində həyata keçirdiyimiz müdafiə sənayesi əməkdaşlıqlarının nəticəsidir. Eyni qətiyyətlə bu istiqamətdə fəaliyyətimizi davam etdiririk,” — deyə Görgün vurğulayıb.

Görgün həmçinin yüksək texnologiyalı və əlavə dəyəri yüksək məhsullarla qlobal miqyasda daha güclü Türkiyə üçün çalışan SSB əməkdaşlarına, şirkətlərə və bütün tərəfdaşlara təşəkkür edib və uğurlar arzulayıb.