BAKI,VOA,Yusif Şərifzadə

Müasir dövrdə müharibələr əsasən tanklar, döyüş təyyarələri, artilleriya sistemləri və atıcı silahlar kimi ənənəvi hərbi texnikanın uzunmüddətli dövlət proqramları çərçivəsində istehsalı və döyüş bölgələrinə canlı qüvvənin göndərilməsi ilə xarakterizə olunurdu. Lakin son illərdə süni intellekt texnologiyalarının sürətli inkişafı hərbi sahədə yeni mərhələnin başlanğıcını qoyub.

VOA xəbər verir ki, müdafiə sektorunda süni intellekt texnologiyalarının tətbiqini inkişaf etdirən şirkətlərə milyardlarla dollar həcmində investisiyalar yönəldilir. Bununla da ənənəvi hərbi-sənaye kompleksi tədricən hərbi-texnologiya modelinə çevrilir.

Ekspertlər hesab edirlər ki, yeni mərhələdə süni intellekt əsaslı proqram təminatı, pilotsuz sistemlər, avtonom döyüş platformaları, kəşfiyyatın avtomatlaşdırılması və döyüş qərarlarının daha sürətli qəbul edilməsi hərbi strategiyaların ayrılmaz hissəsinə çevriləcək.

Bu tendensiya müdafiə sənayesində fəaliyyət göstərən yeni texnologiya şirkətlərinin rolunu əhəmiyyətli dərəcədə artırır. Nəticədə, ənənəvi silah istehsalçıları ilə innovativ texnologiya şirkətləri arasında əməkdaşlıq da genişlənir.

Mövzu üzrə hazırlanan xüsusi silsilə çərçivəsində Al Jazeera süni intellektin hərbi sahəyə inteqrasiyasında mühüm rol oynayan şirkətlər və onların qlobal müdafiə strategiyalarına təsiri barədə geniş təhlil təqdim edib.

Süni intellektin hərbi məqsədlərlə istifadəsi isə eyni zamanda etik, hüquqi və beynəlxalq təhlükəsizlik baxımından yeni müzakirələrə səbəb olur.